पीसीआर परीक्षणमा ५० प्रतिशत छूट, रिपोर्ट पोजेटिभ आए नगद रू. ५ हजार पाइने

काठमाडौं, जेठ १८ – मंगलम इन्डष्ट्रिज प्रालिले प्लम्बरहरूका लागि शुरू गरेको आह्वान मंगलम केयर अन्तर्गत ‘मंगलम केयर : पीसीआर जाँच, मंगलमको साथ’ योजना शुरू गरेको छ । जस अन्तर्गत कम्पनीले पीसीआर परीक्षणमा ५० प्रतिशत छूट तथा पीसीआर रिपोर्ट पोजेटिभ आएको खण्डमा रू. ५ हजार नगद दिने भएको छ ।

यो योजना कम्पनीमा दर्ता भएका प्लम्बरहरूमा मात्रै लागू हुने कम्पनीले बताएको छ । आगामी असार मसान्तसम्म यो योजना लागू हुने पनि कम्पनीले जानकारी दिएको छ ।

‘मंगलम पाइप्सका लागि प्लम्बरहरू टेक्निसियन मात्र नभएर हाम्रो परिवार पनि हुन,’ मंगलम इन्डष्ट्रिजका प्रबन्ध निर्देशक अभिनव चुरिवालले भने, ‘उहाँहरू हाम्रो संस्थाको अभिन्न अंग भएको कारणले उहाँहरूको स्वास्थ्य र सुरक्षा हाम्रो प्राथमिकता र जिम्मवारी पनि हो । हाम्रो यो सानो प्रयासले उहाँहरूलाई पीसीआर जाँच गर्न र औषधि उपचार गर्न केही हदसम्म सहज हुन्छ भन्ने विश्वास हामीले गरेका छौँ ।’