प्यूठान ट्याक्टर दुर्घटनामा मृतक ७ जनाको सनाखत ; मृतकहरु सबै रोल्पाका मजदुर

श्रावण ४ – प्यूठानमा ट्याक्टर दुर्घटना हुँदा सात जनाको मृत्यु भएको छ। प्यूठान स्वर्गद्धारी नगरपालिका वडा नम्बर २ स्थित रुमाले भन्ने स्थानमा लु २ त ४२३४ नम्बरको ट्याक्टर दुर्घटना हुँदा सात जनाको मृत्यु भएको प्युठान प्रहरी प्रमुख डिएसपी नरेन्द्र कुमार कार्कीले बताए।

गएराति ११ वजेतिर भएको दुर्घटनामा परि सातै जनाको घटनास्थलमै मृत्यु भएको थियो। ट्याक्टरमा ८ जना सवार रहेको र एकजना भने सामान्य घाइते भएका छन्। मृतकहरु सबै रोल्पाका मजदुरहरु हुन्। उनिहरु रोल्पा रुन्टीगढी गाउँपालिका ५ का ६ जना र रोल्पाकै त्रिवेणी गाउँपालिका एकजना चालक हुन्।

मृत्यु हुनेमा रोल्पा रुन्टीगढी गाउँपालिका ५ का वर्ष २१ का सागर बस्नेत, वर्ष २४ का रिमबहादुर बस्नेत, वर्ष २५ का कबिराम बस्नेत, वर्ष १९ का बिरेन्द्र बाठा मगर, वर्ष १९ का थमन बाठा मगर, उमेर नखुलेका गोर्बधन बुढामर रोल्पाकै त्रिवेणी गाउँपालिकाका चालक वर्ष २५ कमल कुँवर छन्।