प्रचण्डले लाजमर्दो राजनीति गरे : कमल थापा

काठमाडौं, चैत ९ –  राष्ट्रिय प्रजातन्त्र पार्टीका अध्यक्ष कमल थापाले​ नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ लाजमर्दो राजनीतिमा लागेको बताएका छन्।

​इन्टरनेट सामाजिक सञ्जाल ट्वीटरमा थापाले यस्तो लेखेका हुन्।  दुई पटक प्रधानमन्त्री भइसकेका र केहीदिन अघिसम्म एउटै पार्टीमा रहेका प्रधानमन्त्री केपी शर्मा ओलीलाई दाहालले ‘वर्षौंदेखि विदेशीबाट पालित पोषित एजेन्ट’ आरोप लगाएको सुन्दा आश्चर्य लागेको थापाले लेखेका छन्।

​तर, यस्तो गम्भीर आरोप लगाउँदा पनि दाहालले वर्तमान सरकारलाई दिएको समर्थन कायमै राखेर लाजमर्दो राजनीति गरेको थापाले ट्वीटमा उल्लेख गरेका छन्।

​