प्रतिमा केसीको गीत ‘माया लाइसक्यो’ सार्वजनिक

काठमाडौं, जेठ ७ – गायिका प्रतिमा केसीको गीत ‘माया लाइसक्यो’  सार्वजनिक भएको छ । गीतमा केसीलाई गत वर्षका नेपाल आइडल फस्ट रनर अप प्रवीण वेडवाल गायनमा साथ दिएका छन् । किसन सुवेदीको शब्द, सिएल शर्माको संगीत रहेको गीतमा कुशल सिंहको कोरियोग्राफी रहेको छ । गीतको भिडियो छायाँंकन, निर्देशन र सम्पादन वीरेन्द्र धामीले गरेका हुन् ।

युवा पुस्ताको माया प्रेमका विषय समेटिएको गीतको भिडियोमा गायक गायिका स्टुडियोमा देखिएका छन् ।  लामो समयको मेहनत र साधनाले गीत ल्याएको यसबाट आफु निकै उत्साही र आशावादी रहेको गायिका केसीले बताइन् ।