प्रधानमन्त्री ओली र नेता नेपालले गरे मेरियट होटेलबाट धरहराको अवलोकन

काठमाडौं, ९ वैशाख । नेकपा एमालेका अध्यक्ष एवं प्रधानमन्त्री केपी शर्मा ओली र एमाले नेता माधवकुमार नेपालले नागपोखरीस्थित होटेल मेरियटको झ्यालबाट नवनिर्मित धरहराको अवलोकन गरेका छन् ।

नेताद्वय ओली र नेपालबीच आज भएको भेटवार्ताका क्रममा उनीहरुले एकसाथ धरहराको अवलोकन गरेको प्रधानमन्त्रीका प्रेस सल्लाहकार सूर्य थापाले जानकारी दिएका छन् ।

भेटघाट कक्षको झ्यालबाट धरहरा नियालिरहेको तस्वीर ट्वीटरमार्फत सार्वजनिक गर्दै थापाले लेखेका छन्, ‘प्रधानमन्त्री केपी शर्मा ओली र पूर्व प्रधानमन्त्री एवं सांसद माधवकुमार नेपाल संयुक्तरूपमा नागपोखरीस्थित मेरियट होटलको भेटघाट कक्षको झ्यालबाट सुन्धारामा नवनिर्मित धरहराको दृश्यावलोकन गर्नुहुँदै-’