प्रभु क्यापिटलले दियाे त्रिविका विद्यार्थीलाई शेयर बजार सम्बन्धी तालिम

 काठमाडौँ, १९ चैत –प्रभु क्यापिटलले त्रिभुवन विश्वविद्यालय अन्तर्गतकाे सेन्ट्रल डिपार्टमेन्ट अफ म्यानेजमेन्टमा एमबिए तथा एमबिएममा अध्ययनरत विद्यार्थीहरुको लागि शेयर बजार सम्बन्धी ३ दिने प्राविधिक विश्लेषण वर्कसप तथा तालिम कार्यक्रम सम्पन्न गरेको छ ।

चैत्र १७ गते सुरु भएको कार्यक्रम चैत्र १९ गते सम्म ३ दिन चलेको थियो । सो तालिम कार्यक्रममा त्रिभुवन विश्वविद्यालयका ६० जना विद्यार्थीहरुको सहभागीता रहेको थियो ।संस्थागत सामाजिक उत्तरदायित्व अन्तरगत शेयर सचेतना अभिवृद्धिका लागि प्रभु क्यापिटलले विभिन्न संस्थाहरुसँगको सहकार्यमा शेयरबजार सँग सम्बन्धित वर्कसप तथा तालिम कार्यक्रमहरु सञ्चालन गर्दै आएको छ ।

सो वर्कसप तथा तालिम कार्यक्रमको सञ्चालन प्रभु क्यापिटलका प्रमुख लगानी अधिकृत दुर्गानन्द झा र रिसर्च हेड अविरल नेपालले सञ्चालन गरेका थिए ।