प्रेममा अवरोधका कारण अभिनेत्रीद्वारा दाजुको हत्या

काठमाडौं, वैशाख १४  – कन्नड फिल्म उद्योगकी अभिनेत्री शनाया काटवेलाई हुबलीको प्रहरीले पक्राउ गरेको छ । शनायामाथि आफ्नो दाजुको हत्या आरोप लागेको छ ।दैनिक जागरणमा प्रकाशित समाचारअनुसार प्रहरीले शनायाको दाजु राकेशको शव अलग–अलग सडकमा टुक्रा भएको अवस्थामा बरामद गरेको हो ।

प्रहरीले राकेशको निर्ममतापूर्वक हत्या भएको जनाएको छ । प्रहरीले राकेशको काटिएको शीर देवरागुडीहलको जंगलमा बरामद गरेको थियो । जबकी उनको शरीरको बाँकी भागको टुक्रा अलग–अलग स्थान र गदग रोडबाट बरामद गरेको छ ।घटनाको अनुसन्धानरत प्रहरीले अन्य चार आरोपीलाई पनि पक्राउ गरेको छ । जसको नाम नियाज अहमद काटीगार, तौसीफ छन्नापुर, अल्ताफ मुल्ला र अमन गिरानीवाले हुन् ।

प्रहरीले अनुसन्धानमा राकेशको हत्याको प्रमुख योजना उनकी दिदी शनायाले बनाएको जनाएको छ । शनायाले यस्तो काम गर्नुको पछाडि उनको प्रेम सम्बन्ध रहेको बताइएको छ ।समाचारअनुसार शनाया र नियाज एक अर्कालाई प्रेम गर्छन् । तर उनको दाजु यो सम्बन्धको विरुद्धमा रहेपछि नियाजकै योजना अनुसार उनको हत्या गरिएको हो ।गत अप्रिल ९ मा शनाया आफ्नो फिल्म प्रमोसन गर्न हुबली गएको बेला राकेशको हत्या भएको हो ।हाल अभिनेत्रीलाई न्यायिक हिरासतमा पठाइएको छ । शनायाले कन्नड फिल्ममा सन् २०१८ बाट पाइला चालेकी हुन् ।