प्लास्टिकजन्य पदार्थबाट सिर्जित समस्या बिषयक छलफल कार्यक्रम सम्पन्न

काठमाडौं, १ चैत्र -प्लास्टिकजन्य पदार्थबाट सिर्जित समस्या बिषयक छलफल कार्यक्रम सम्पन्न भएको छ । आईतबार राजधानीमा राष्ट्रिय उपभोक्ता मंचद्वारा आयोजनामा आयोजित उक्त कार्यक्रम फेसियल हाउसको प्रायोजनमा संचालनमा आएको हो । राष्ट्रिय उपभोक्ता मंचका अध्यक्ष प्रेमलाल महर्जनको सभापतित्वमा भएको उक्त छलफल कार्यक्रम वाणिज्य आपुर्ती तथा उपभोक्ता हित संरक्षण विभागका महानिर्देशक प्रकाश पौडेलको प्रमुख आतिथ्यतामा सम्पन्न भएको थियो।  

कार्यक्रममा प्रमुख अतिथीको आसनबाट बोल्दै वाणिज्य आपुर्ती तथा उपभोक्ता हित संरक्षण विभागका महानिर्देशक प्रकाश पौडेलले प्लास्टिकजन्य सामाग्रीको समुचित प्रयोग गर्न आवश्यक रहेको बताउदै दण्ड जरिवाना भन्दा पनि सचेतना अभिब्रिद्धीका कार्यक्रमहरु बढाउदै लग्नुपर्ने आवश्यकता औल्याए । साथै, महानिर्देशक पौडेलले काठमाडौंमा मात्र ४ लाख ५० हजार व्यवसायिक फर्महरु रहेको जानकारी गराउदै गुनासो आईसके पछि मात्र अनुगमन गर्नुपर्ने बाध्यता रहेको र आगामी दिनमा अनुगमनका क्रममा यस बिषयलाई प्राथमिकता दिइने प्रतिबद्धता व्यक्त गरे ।  

त्यसैगरि, नेपाल चेम्बर अफ कमर्शका बरिष्ठ उपाध्यक्ष राजेन्द्र मल्लले प्लास्टिकजन्य फोहरलाई जथाभावी फाल्ने कार्यलाई निरुत्साहित गर्न वातावरण संरक्षणलाई प्रोत्साहन गर्ने गरि सरकारकातर्फबाट सहुलियतको व्यवस्था गरिनुपर्ने धारणा राखे । साथै उनले फेसलेस, क्यासलेस र होम डेलिभरी सिस्टमलाई प्रबर्द्धन गर्दै जाने हो भने मात्र प्लास्टिकको प्रयोगलाई निकै हद घटाउन सकिने बताए ।  

वातावरण विभागका उपमहानिर्देशक ईन्द्र बिक्रम जोशीले २०७१ सालमा प्लास्टिकजन्य सामाग्रीलाई निरुत्साहित गर्ने कार्यले प्राथमिकता पाउदै गर्दा सोको प्रयोग माथि नियन्त्रण कायमै हुँदै गईरहेको परिप्रेक्ष्यमा भुकम्प पस्चात भने प्रभावकारीतामा ह्रास आएको बताए । साथै  उनले हाल सरकारी स्तरबाट प्लास्टिक सम्बन्धमा नियमावली ल्याउने तयारी स्वरुप विभिन्न तहमा छलफल भैरहेको जनाउदै प्लास्टिकको सट्टामा वैकल्पिक माध्यमको रुपमा कागज लगायतको सजिलै नस्ट हुने र कम प्रदुषणयुक्त वस्तुको प्रयोग माथि जोड दिदै आईएको उल्लेख गरे।   

त्यसैगरि राष्ट्रिय उपभोक्ता मंचका अध्यक्ष प्रेमलाल महर्जनले प्रत्येक दिन नौ सय मेट्रिक टन प्लास्टिकजन्य पदार्थ फोहरका रुपमा थुप्रिने गरेको उल्लेख गर्दै यस तर्फ सरोकारवालाहरु बेलैमा सचेत हुन आवश्यक रहेको औल्याए । साथै, उनले हाल दैनिक रुपमा भैरहेको प्लास्टिकको प्रयोगमा कमी ल्याउनुको विकल्प नरहेको बताउदै राष्ट्रिय उपभोक्ता मंचले भावी दिनमा उपभोक्ता जागरणका कार्यक्रमहरुलाई प्राथमिकता दिदै जाने उल्लेख गरे ।  

नेपाल उद्योग वाणिज्य महासंघका कार्यकारीणी सदस्य तथा उद्योग समिती सभापति भरत आचार्यले प्लास्टिक आँफैमा समस्या नभएको उल्लेख गर्दै यसको ह्याण्डलिंङमा विचार पुर्याउन आवश्यक रहेको बताए । साथै, उनले नेपालमा पुनर्प्रयोग, प्रयोगमा कमी तथा पुनर्चक्र सम्बन्धमा नीतिगत अभाव रहेको र घर घरबाट यसको व्यवस्थापन हुनुपर्ने, स्थानिय सरकारले बढि जिम्मेवार ढ्ङगले अघि बढनुपर्ने खाँचो औल्याए ।  

राष्ट्रिय उपभोक्ता मंचका उपाध्यक्ष पुष्पराम पौडेलले एउटा प्लास्टिकको बोतल पूर्ण रुपमा नस्ट हुन ४ सय पचास बर्ष लाग्ने तथ्य उजागर गर्दै मानिसहरु अझै पनि गम्भिर बन्न नसकि रहेको उल्लेख गरे । साथै, उनले नेपालको संविधानमा उपभोक्ता अधिकारको सुनिश्चितता गर्ने र वातावरण संरक्षण गर्ने सवालले स्थान पाएता पनि कार्यन्वयन पक्षमा कमजोरी रहेको औल्याए ।  

राष्ट्रिय उपभोक्ता मंचका महासचिव गोविन्द सुवेदीले प्लास्टिकजन्य पदार्थको सन्दर्भमा सम्पूर्ण सरोकारवालाहरुको चासो र चिन्ता बढनुपर्ने बताउदै नीतिगत व्यवस्थाले समस्या समाधानमा सघाउ पुग्ने राय पेश गरे ।  

कार्यक्रमलाई सहजीकरण गर्दै कर्पोरेट मिडियाका अध्यक्ष उज्जवलजंग शाहले मानिसले प्रयोग गर्ने हरेक जसो वस्तु प्लास्टिकजन्य रहने भएकाले यसको प्रयोगलाई रोक्न नसकिने तर वैकल्पिक उपाय अबलम्बन गर्दै आदत डाल्दै जानुपर्ने बताए    ।