फाइनल खेलको पहिलो हाफ गोलरहित बराबरी

माल्दिभ्सको राष्ट्रिय फुटबल रंगशालामा जारी खेलको पहिलो हाफ सकिँदासम्म स्कोर गोलरहित बराबरीमा रहेको छ ।

आजको खेलमा वर्षाका कारण दुवै टोलीले खुलेर खेल्न सकिरहेका छैनन् ।

कडा प्रतिस्पर्धाकाबीच नेपाल र भारत दुबैले गोल गर्ने अवसर बनाए पनि हालसम्म कुनै गोल हुन नसकेको हो ।

यसअघि नेपालका लागि सुमन लामाले दिएको पासमा नवयुग श्रेष्ठले गोल गर्ने अवसर पाएपनि सो अवसर उपयोग हुन सकेन ।

नेपालका गोलरक्षक तथा कप्तान किरण लिम्बूले विपक्षीको प्रहारहरूलाई राम्रो बचाउ गरिरहेका छन् । रक्षापंक्तिमा रहेका खेलाडीले पनि विपक्षीलाई रोकिरहेका छन् ।