फास्ट ट्र्याकका काठ बिक्री नहुने

काठमाण्डौँ — काठमाडौं–तराई–मधेस द्रुतमार्गको ट्र्याक फराकिलो बनाउने क्रममा नेपाली सेनाले काटेका २५ करोड मूल्य बराबरका काठ बिक्री नहुने भएका छन्  ।

जथाभावी काटिएका कारण ती काठ बिक्री हुन नसक्ने वन तथा वातावरण मन्त्रालयका अधिकारीको भनाइ छ  ।

सेनाले २५ सामुदायिक वनका करिब १ लाख २५ हजार क्युबिक फिट काठ काटेको थियो ।

ती काठ दुई वर्षदेखि अलपत्र छन् ।

मन्त्रालयका अनुसार प्राविधिक हिसाबले गलत र अनुत्पादक ढंगले सेनाले काठ काटेको छ ।

द्रुतमार्गमा पर्ने मकवानपुरगढी गाउँपालिका, बकैया गाउँपालिका र हेटौंडा उपमहानगरपालिकाको सामुदायिक वनका रूख कटान गरिएको थियो ।

— कान्तिपुर