फिल्मका लागि कंगनाले बढाइन् २० केजी तौल

काठमाडौं, चैत ११ –बलिउड अभिनेत्री कंगना रनौत पछिल्लो समय एकपछि अर्को फिल्ममा व्यस्त भइरहेकी छिन् । मंगलबार कंगनाको नयाँ फिल्म ‘थलाइवी’ को ट्रेलर र  नयाँ लुक सार्वजनिक भएको थियो । 

उनको जन्मदिनको अवसर पारेर ‘थलाइवी’ को ट्रेलर युट्युबमा सार्वजनिक गरिएको थियो । जुन ट्रेलर दर्शकले निकै रुचाएका छन् । ए. एल विजयको निर्देशनमा बनेको यस फिल्ममा कंगनाले धेरै नै संघर्ष गरेकी थिइन् । उनले यस फिल्मका लागि २० केजी तौल बढाएकी थिइन् । उनले अभिनेत्री तथा तमिलनाडुकी पूर्व मुख्यमन्त्री स्वं. जयललिता बन्न २० केजी तौल बढाएकी हुन् । 

यस फिल्मको लागि उनी जे गर्न पनि तयार थिइन् । गर्मीमा पनि बाक्लो सारी लगाएकी थिइन् । अहिले उनको कामको प्रशंसा पनि भइरहेको छ ।  यस फिल्म मुख्यमन्त्री स्वं. जयललिताको जीवनीमा आधारित रहेको छ । यस फिल्म हिन्दी, तमिल र तेलुगू भाषामा निर्माण भएको छ ।  फिल्ममा कंगनासहित अरविन्द स्वामी, नसर, भाग्यश्री, राज अर्जुन लगायतका कलाकारको अभिनय रहेको छ । फिल्म २०२१ को अप्रिल २३ मा रिलिज हुनेछ ।