फेब्रुअरीमा सवा लाख पर्यटक नेपाल भित्रिए

काठमाण्डौँ — सन् २०१९ को दोस्रो महिना नेपालमा सवा लाख पर्यटक भित्रिएका छन्।

नेपाल पर्यटन बोर्डले जारी गरेको अध्यागमन विभागको तथ्यांकअनुसार फेब्रुअरी महिनामा स्थलमार्ग र हवाई मार्गबाट एक लाख २४ हजार ४२१ जना पर्यटन आएका छन्।

पर्यटन आगमन गर्त वर्ष सन् २०१८ को सोही महिनाको तुलनामा ३९ प्रतिशतले बढी हो।

गत वर्षको फेब्रुअरीमा ८९ हजार ५०७ जना पर्यटक नेपाल भित्रिएका थिए।

तथ्यांकअनुसार फेब्रुअरीमा ९७ हजार ६९४ जना हवाई मार्गबाट र २६ हजार ७२७ जना पर्यटक स्थलमार्गबाट आएको उल्लेख छ।

आक्रामक बजारीकरण र पर्यटन प्रवद्र्धनले पर्यटक आगमन दर बढेको नेपाल पर्यटन बोर्डका प्रमुख कार्यकारी अधिकृत दीपकराज जोशीले बताए ।

— अन्नपुर्ण