फेरी बढ्यो सुनको भाउ

काठमाडौं,फागुन १५ – सुनको मूल्य फेरी बढेको छ । लगातार दुईदिन घटेको सुनको मूल्य आज फेरी प्रतितोला २ सय रुपैयाँले बढेको छ ।

बुधवार प्रतितोला ७९ हजार ५ सय रुपैयाँमा कारोबार भएको छापावाल सुनको मूल्यमा विहिवार २ सय रुपैयाँ बढ्दै प्रतितोला ७९ हजार ७ सय रुपैयाँ कायम भएको नेपाल सुनचाँदी व्यवसायी महासंघले बताएको छ ।

त्यस्तै बुधवार प्रतितोला ७९ हजार २ सय रुपैयाँमा कारोबार भएको तेजावी सुनको मूल्यमा विहिवार २ सय रुपैयाँ बढ्दै प्रतितोला ७९ हजार ४ सय रुपैयाँ कायम भएको महासंघले बताएको छ ।

मंगलवार चाँदीको मूल्य भने प्रतितोला ५ रुपैयाँले घट्यो । आज चाँदीको मूल्य प्रतितोला ९ सय रुपैयाँ कायम भएको छ ।