फोर्स मोटर्सको शोरुम हेटौंडामा

काठमाडौं– हिमालय अर्गनाइजेशन पोखरा अन्तर्गतको फोर्स मोटर्सको शोरुम हेटौंडामा शुभारम्भ भएको छ ।

शोरुमको मकवानपुर उद्योग वाणिज्य संघका अध्यक्ष कृष्ण कटुवाल र आयाम इन्टरकन्टिनेन्टलका अध्यक्ष ध्रुब थापाले संयुक्त रुपमा उद्घाटन गरे।

प्रदेश नं.३ को राजधानी हेटौंडामा साना सार्वजनिक सवारीहरुको माग उच्च रहेको र स्थानियमा फोर्स गाडीको माग बढेकोले फोर्सको शाखा हेटौंडामा विस्तार गरिएको ध्रुब थापाले बताएका छन् ।

कम्पनीले बिजयादशमी, दिपावली तथा छठ पर्वलाई मध्यनजर गर्दै आइतबारबाटै ग्राहक बर्गलाई विशेष छुटको योजना ल्याएको अध्यक्ष थापाले बताए ।

कम्पनीका अनुसार दसैँतिहारमा फोर्स मोटर्सका गाडी खरिद गर्ने ग्राहकहरुले अधिकतम ४ लाखसम्मको छुट तथा विषेश उपहारहरु प्राप्त गर्न सक्ने बताइएको छ ।

बिगत ५ वर्षदेखि आयाम इन्टरकन्टिनेन्टल प्रालिले नेपालमा फोर्स ब्राण्डका गाडीहरु आयात तथा बिक्री वितरण गर्दै आइरहेको छ ।

फोर्स गाडीको काठमाण्डौंको गैरिधारामा र पोखराको चाउथेमा आफ्नै शोरुम रहेको छ ।