बढयो सुनको मुल्य

काठमाडौं, फागुन २४ –नेपाली बजारमा सुनको मूल्य आज पनि बढेको छ । आइतबार सुनको मूल्य तोलामा ८६ हजार एक सयमा कारोबार भएकोमा आज तोलामा एक सयले बढेको हो । आइतबार पनि सुनको मूल्य तोलामा पाँच सयले बढेको थियो ।                       

नेपाल सुनचाँदी व्यावसायी महासंघका अनुसार आज छापावाल सुनको मूल्य तोलामा ८६ हजार २ सय कायम गरिएको छ भने तेजावी सुनको मूल्य तोलामा ८५ हजार ७५० सय कायम गरिएको छ ।                     त्यस्तै, आज चाँदीको मूल्य पनि बढेको छ । आइतबार चाँदीको मूल्य तोलामा १२५० मा कारोबार भएकोमा आज बढेर १२६५ पुगेको महासंघले जनाएको छ ।