बरिष्ठ गायक एवं संगीतकार मणिकरत्न अजर अमर सम्मानबाट सम्मानित

काठमाडौं । नेपाली सुगम र पाश्र्वगायनका बरिष्ठ गायक एवं संगीतकार मणिकरत्न स्थापित नेपाल संगीतकार संघले प्रदान गर्ने अजर अमर सम्मानबाट सम्मानित भएका छन् ।पछिल्लो समय अस्वस्थ भएका गायक स्थापितलाई संघका संरक्षक शम्भुजित बाँस्कोटा लगायतले उनको निवास ललितपुर खुमलटार पुगेर सम्मान प्रदान गरेका हुन् ।

सम्मानको राशी एकलाख ११ सय ११ रुपैयाँ रहेको छ । महामारी साम्य भएपछि कार्यक्रमको आयोजना गरी सम्मान प्रदान गरिने भएको छ ।