बलिउड अभिनेत्री कृति सेननलाई कोरोना संक्रमण

काठमाडौं, मंसिर २५ – बलिउड अभिनेत्री कृति सेननलाई कोरोना भाइरसको संक्रमण भएको छ। बुधबार ट्विटरबाट उनले आफू संक्रमित भएको सार्वजनिक गरेकी हुन्।

‘म सबैलाई यो बताउन चाउन्छु कि मेरो कोभिड-१९ परीक्षण पोजेटिभ आएको छ। यध्यपी यसमा चिन्ता गर्नुपर्ने केही कुरा छैन किनकी म बिएमसी र चिकित्सकको सल्लाह अनुसार क्वारेन्टिनमा छु’, ट्विटरमा उनले लेखेकी छन्।

‘यसबाट मुक्त भएपछि म पुनः काम सुरू गर्नेछु। त्यतिबेलासम्म म तपाईंहरूको धेरै शुभकामना पढ्नेछु र त्यसले काम गर्छ भन्ने मलाई लाग्छ। सबै सुरक्षित हौं। अझ पनि महामारी गइसकेको छैन’, उनले ट्विटमा थप भनेकी छन्। कृति पछिल्लोपटक ‘हाउसफुल ४’मा देखिएकी थिइन्।