बहराइनमा थप ३१ नेपालीमा कोरोना संक्रमण, संक्रमित संख्या १५७ पुग्यो

काठमाडौं, बैशाख १९- धेरै नेपालीहरुको रोजगारीको गन्तब्य बहराइनमा थप ३१ जना नेपालीलाई कोरोना संक्रमणको पुष्टि भएको छ ।

योसंगै त्यहाँ कोरोना संक्रमित नेपालीको संख्या १ सय ५७ पुगेको छ । एकै ठाउँमा धेरै कामदार बस्ने गरेकाले एक जनामा भएको संक्रमण अरुमा फैलिएकाले नेपालीहरू असुरक्षित बन्न पुगेका हुन् ।

बहराइनमा करिब ३५ हजार नेपाली श्रमिक रहेको अनुमान छ । बहराइनमा हालसम्म कोरोनाका एक हजार पाँच सय ३४ जना संक्रमित छन् भने आठ जनाको मृत्यु भएको छ ।