बामदेव प्रचण्ड-नेपाल समूहमा पनि नलाग्ने

काठमाडौं, पुष ७ – नेकपाका कार्यकारी अध्यक्ष पुष्पकमल दाहाल ‘प्रचण्ड’ र वरिष्ठ नेता माधवकुमार नेपाल समूहमा नजाने उपाध्यक्ष बामदेव गौतमले बताएका छन्।

पार्टीलाई विभाजन गर्ने कुनै पनि खेमा/समूहमा नलाग्ने गौतमले स्पष्ट पारेका छन्। गौतमका प्रेस संयोजक विश्वमणि सुवेदीले उपाध्यक्ष गौतमले वरिष्ठ नेता नेपालसँगै झलनाथ खनाल र नारायणकाजी श्रेष्ठसँग उक्त कुरा गरेको बताए।

नेपाल, खनाल र श्रेष्ठ उपाध्यक्ष गौतमलाई फकाउन गौतम निवास भैंसेपाटी पुगेका थिए। उनीहरू फर्किसकेका छन्।