भक्तपुरमा स्कुटर दुर्घटना हुँदा चालकको मृत्यु

काठमाडौं, मंसिर १६ – भक्तपुरमा स्कुटर दुर्घटना हुँदा चालकको मृत्यु भएको छ। बा ७३ प ३८२ नम्बरको स्कुटर सोमबार मध्यराति दुर्घटना भएको हो। प्रहरीका अनुसार मृत्यु हुनेमा मध्यपुर ठिमी नगरपालिका-९ राधेराधेका २९ वर्षीय राजु तामाङ छन्। 

भक्तपुरबाट काठमाडौं जाँदै गरेको स्कुटर मध्यपुर ठिमी-४ एसएस चोकनजिक सोमबार राति साढे ११ बजे अनियन्त्रित ट्राफिक आइल्याण्डमा ठोक्किएको थियो। 

दुर्घटनामा गम्भीर घाइते भएका तामाङलाई मध्यपुर अस्पतालमा सामान्य उपचारपछि नर्भिक अस्पताल लगिएको थियो। नर्भिक पुर्‍याउँदा डाक्टरले तामाङलाई मृत घोषणा गरेका थिए।