भारतमा थप ४६ हजार १४८ जनामा कोरोना संक्रमण पुष्टि ,९७९ जनाको मृत्यु

काठमाडौं ।  पछिल्लो २४ घन्टामा छिमेकी मुलुक भारतमा थप ४६ हजार १४८ जनामा कोरोना भाइरस संक्रमण पुष्टि भएको छ । यसै गरी पछिल्लो २४ घन्टामा भारतमा थप ९७९ जना संक्रमितले ज्यान गुमाएका छन् । पछिल्लो २४ घन्टामा ५८, ५७८ जना संक्रमणमुक्त भइ घर फर्किएका छन् । भारतमा अहिले ५ लाख ७२ हजार ९९४ जना सक्रिय संक्रमित रहेका छन् ।

अहिलेसम्म भारतमा ३ लाख ९६ हजार ७३० जनाले ज्यान गुमाइसकेका छन् भने ३ करोड २ लाख ८९ हजार ३३१ जनामा संक्रमण पुष्टि भइसकेको छ ।संक्रमितका हिसाबले भारत अमेरिकापछि दाेस्राे स्थानमा छ भने मृत्युका हिसाबले अमेरिका र ब्राजिलपछि तेस्राे स्थानमा रहेकाे छ । भारतमा ३२ करोड ३६ लाखले भ्याक्सिन लगाइसकेका छन् ।