भारतीय नोट खुला गर्न भारत सरकारसँग आग्रह

काठमाण्डौं– सरकारले नेपालमा २ सय, ५ सय र २ हजार दरका भारतीय नोट खुला गर्न भारत सरकारसँग आग्रह गरेको छ ।

नेपाल राष्ट्र बैंकले भारतको रिजर्भ बैंक अफ इन्डिया (आरबिआई)लाई शुक्रबार पत्राचार गर्दै ठूला दरका भारु नोट खुला गरिदिन आग्रह गरेको हो ।

भारतीय प्रधानमन्त्री नरेन्द्र मोदीले २३ कात्तिक ०७३ मा सम्बोधन गर्दै ५ सय र १ हजार दरका नोट प्रतिबन्ध गरेका थिए ।

त्यसको भोलिपल्ट २४ कात्तिक ०७३ देखि नेपालमा पनि भारु ५ सय र १ हजार दरका नोट प्रतिबन्ध भयो ।

त्यसयता नेपालमा भारु १ सय र त्यसभन्दा कम दरका नोट मात्रै चलनचल्तीमा रहेका छन् ।

नेपाल सरकारको निर्देशनअनुसार आरबिआईलाई पत्राचार गर्दै नेपालमा २ सय, ५ सय र २ हजार दरका भारु खुलाउन आग्रह गरिएको राष्ट्र बैंकका कार्यकारी निर्देशक भीष्मराज ढुंगानाले बताए ।

– नयाँ पत्रिका