भारतीय सेनामा नेपाली महिलाले पनि भर्ना हुन पाउने

काठमाडौं, जेठ ३१ – भारतीय सेनामा महिला सेना प्रहरीमा भर्ना हुन भर्ती खोलिएको छ। यसमा नेपाली महिलालाई पनि लक्षित गरी नेपाली भाषामा विज्ञापन प्रकाशित गरिएको छ। अनलाईनको माध्यमबाट आगामी जुलाई २० तारिखसम्म आवेदन दिन सकिने भएपनि छनौट प्रकृयामा सरिक हुन भारतको अम्बाल, लखनउ, जवलपुर, बेलगाव, पुने र शिलांगमा जानु पर्नेछ। यसरि दरखास्त दिन उमेर १७ वर्ष ६ महिनादेखि २१ वर्ष सम्मको हुनु पर्नेछ।

ईच्छुक उम्मेदवारले न्युनतम १० कक्षा सम्म पास गरेको तथा १ सय ५२ सेण्टिमिटर उचाई हुनु पर्नेछ। तर गोर्खा उम्मेदवारलाई ४ सेण्टिमिटरसम्म छुट दिईएको छ।