भारत लैजान लागिएको १४६ बोरा मटर र गाडी पक्राउ

काठमाडौं, भदौ ८ – इलामको सूर्योदय नगरपालिका ३ तिनखुट्टेबाट भन्सार छलेर भारत लैजान लागिएको १४६ बोरा सेतो मटर प्रहरीले गाडी र चालक सहित पक्राउ गरेको छ ।

इलाका प्रहरी कार्यालय पशुपतिनगरको प्रहरी टोलीले सूर्योदय नगरपालिका वडा नंम्बर ३ तिनखुट्टेमा लोड गरेर भारत लैजान लागिएको अवस्थामा उक्त सामान शनिबार राती पक्राउ गरेको हो ।

प्रहरीले मटर सहित बा. ३ ख ५२४४ नंम्बरकोे ट्रक र चालक सर्योदय नगरपालिका वडा नंम्बर १ गोर्खेका चेतन दाहाललाई समेत नियन्त्रणमा लिईएको इलाका प्रहरी कार्यालय पशुपतिनगरका प्रहरी निरीक्षक रमेश राईले जानकारी दिए ।

भन्सार छलेर भारत लैजान लागिएको १ लाख ८२ हजार रुपैयाँ बढीको उक्त सामान प्रहरीले नियन्त्रणमा लिएर पशुपतिनगर भन्सार कार्यालयमा पठाईएको जिल्ला प्रहरी कार्यालय इलामका सूचना अधिकारी प्रहरी नायव उपरीक्षक लालध्वज सुवेदीले जानकारी दिए ।

यस अघि सशस्त्र प्रहरी बल पशुपतिनगर बौद्यधामबाट २ लाख १३ हजारको मोवाईलको पार्टस र गाडीका पाठपूर्जा बरामद गरी भन्सारमा बुझाएको थियो ।