भुवन केसी अभिनित फिल्म ‘मिस्टर नेपाली’ युट्युबमा सार्वजनिक

काठमाडौं, जेठ ८ – अभिनेता भुवन केसी अभिनित फिल्म ‘मिस्टर नेपाली’ युट्युबमा सार्वजनिक भएको छ।  देव भुषालको कथा,पटकथा तथा निर्देशन रहेको यस फिल्म शुक्रबार युट्युबमा सार्वजनिक भएको हो । देवचुली फिल्मस्को ब्यानरमा फिल्म निर्माण गरिएको यस फिल्ममा भुवनसहित सरोज खनाल, विष्णु सापकोटा, रवि डंगोल, कमलमणि नेपाल, नन्दु श्रीवास्तव, रीमा विश्वकर्मा, साहिल श्रेष्ठ र कुसुम राउत  लगायतका कलाकारको अभिनय रहेको छ । 

प्रेमराज दाहालको लगानी रहेको यस फिल्मलाई नीरज कँडेलले खिचेका हुन् ।फिल्मलाई हालसम्म एक लाख ७८ हजार बढीले हेरिसकेका छन् ।