मकवानपुरमा एक पुरुषको मृत्युपछि कोरोना संक्रमण पुष्टि

काठमाडौं, भदौ ३० – मकवानपुरका ६८ वर्षीय वृद्धको मृत्यु भएपछि मात्र कोरोना भाइरस संक्रमण पुष्टि भएको छ ।

दम र मुटु रोगले ग्रसित मनहरी गाउँपालिका– ८ सिमपानीका वृद्धको सोमबार मृत्यु भएको हो ।

दुई दिनदेखि बिरामी परेका वृद्धको घरमा मृत्यु भएको हेटौँडा– ४ कर्रास्थित आइसोलेसनका इञ्चार्ज भोला चौलागाईंले जानकारी दिए । अकस्मात सोमबार बिहान घरमै ढलेका उनको मृत्युपछि स्वाब संकलन गरिएको चौलागाईंले बताए ।

उनको शव आज बिहान नेपाली सेनाले व्यवस्थापन गरेको छ ।