मलेसियाले श्रम कानुन हेरफेर गर्ने

काठमाण्डौँ — मलेसियाले श्रम कानुन हेरफेरको अन्तिम तयारी गरेको छ ।

विदेशी कामदारहरुको सही व्यवस्थापन गर्न भर्ना प्रक्रिया, सेवा सुविधा, सुरक्षा आदि विभिन्न विषयमा आधारित ६४ वर्षे पूरानो आफ्नो रोजगार सम्बन्धी ऐनमा महत्वपूर्ण परिवर्तन गर्न लागिएको हो ।

यसमा उल्लेखित कतिपय व्यवस्थाहरु ७ वर्षअघि संशोधन गरेको थियो ।

उक्त प्रस्तावित ऐन पारित भइ लागु भएमा नयाँ कामदार भर्नासमेत उक्त ऐनबमोजिम नै गर्ने मलेसियाको तयारी छ ।

स्रोतका अनुसार अब उक्त प्रतिवेदन प्रस्ताव छलफलका लागि यसै महिनामा संसदमा पेश हुनेछ ।

यसपाली संशोधन गर्न लागिएका ऐन कामदार र रोजगारदाता दुवैको हितमा हुने बताइएको छ ।

— कान्तिपुर