माथिल्लो तामाकोशीको सेयर बाँडफाँटमा ढिलाइ हुने

काठमाण्डौँ – माथिल्लो तामाकोशीको सेयर बाँडफाँटमा ढिलाइ हुने भएको छ ।

पहिले सेयर भएकाहरुले दोहोर्याएर आवेदन दिएपछि दोहोरिएका आवेदन हटाउनका लागि बिक्री प्रबन्धक नागरिक लगानीकोषले आवेदन जाँच गरिरहेको छ ।

कोषका मर्चेन्ट बैंकिङ विभागका प्रमुख रोशनजंघ कार्की आवेदन दोहोर्याएर दिएपछि समयमै सर्बसाधारणका लागि खुला गरिएको सेयरको बाँडफाँट गर्न नसकिएको बताउँछन् ।

यसअघि कम्पनीले पहिलो चरणमा सञ्चयकोषका सञ्चयकर्ता र दोस्रो चरणमा आयोजना प्रभावित दोलखाका स्थानीय बासिन्दाका लागि सेयर निष्काशन गरेको थियो ।

कार्कीका अनुसार अहिलेसम्म १२ हजारको हाराहारीमा त्यस्ता आवेदकलाई छानिसकिएको छ ।

कोषले मंसिरको पहिलो साता सेयर बाँडफाँट गर्ने गरी काम अघि बढाएको छ ।

यदि यो समयमा पनि नसकिए दोस्रो सातामा भने बाँडफाँड हुने कार्कीले बताए ।

कोषका अनुसार आवेदन दिएका सबैले चालिस कित्ता पाउने र केहीले ५० कित्ता पाउनेछन् ।