मालपोतका कर्मचारीमा कारोना संक्रमण पुष्टि भएपछि कार्यालय बन्द

काठमाडौं, असोज २० – भूमि सुधार तथा मालपोत कार्यालय सिन्धुली मंगलवारदेखि अर्को सूचना नआएसम्मका लागि बन्द भएको छ ।

कार्यालयमा अग्रपंक्तिमा बसेर काम गर्ने कर्मचारीमा कोरोना संक्रमण पुष्टि भएपछि अर्को सूचना जारी नभएसम्मका लागि कार्यालय बन्द गर्ने निर्णय भएको कार्यालयद्वारा जारी सूचनामा उल्लेख छ ।

सूचनामा कर्मचारीमा कोभिड–१९ को संक्रमण र अन्य कर्मचारी पनि अस्वस्थ भएका कारण सेवा प्रवाह गर्दा संक्रमण फैलन सक्ने भन्दै मंगलवारदेखि अर्को सूचना नभएसम्मका लागि कार्यालय बन्द भएको उल्लेख छ ।