मिनीट्रकको ठक्करबाट मोटसाइकलमा सवार एकको मृत्यु, एक गम्भीर घाइते

त्रिशूली (नुवाकोट) । लिखु गाउँपालिका-६, छहरेमा मिनीट्रकको ठक्करबाट मोटरसाइकलमा सवार एक जनाको मृत्यु भएको छ भने एक जना गम्भीर घाइते भएका छन् ।

जिल्ला प्रहरी कार्यालयका प्रमुख शान्तिराज कोइरालाका अनुसार टोखा-छहरे सडकमा गए राति भएको दुर्घटनामा तादी गाउँपालिका-३ का ३५ वर्षीय विनोद चौलागाईँको मृत्यु भएको हो ।

दुर्घटनामा तादी-३ का राजाराम श्रेष्ठ गम्भीर घाइते भएका छन् । उनको ग्रिनसिटी अस्पताल काठमाडाैँमा उपचार भइरहेको छ ।

दुर्घटनापछि मिनीट्रकका चालक फरार रहेकाले उनको खोजी भइरहेको छ ।