मेलिना राईको तिम्रो दिलको भिडियो सार्वजनिक (भिडियो सहित)

काठमाडौं – मेलिना राईको स्वरमा रहेको तिम्रो दिलको बोलको गितको भिडियो सार्वजनिक भएको छ । गितमा शब्द गणेश उप्रेतीको रहेको छ भने संगिते टिका भण्डारीकोे रहेको छ ।

हरिशरण सायमीको एरेन्जमा रहेको गितको छायँकन कालिन्चोक र मुडेका बिभिन्न स्थानमा गरिएको छ । भिडियोको छायँकन नमराज घिमिरले गरेका हुन । लभ यु हमेशाबाट चलचित्रमा डेभ्यू गरेकी नायिका फिजा योञ्जन लामा र कलाकार सन्दीप सिग्देलको अभिनय रहेको भिडियोलाई ह्वाईट मिडियाले निर्माण गरेको हो ।

सन्दिप अभिनित चलचित्र गुप्त छायांकन सकेर सम्पादनको क्रममा रहेको छ भने केही समय भित्र नै उक्त चलचित्र प्रदर्शनमा आउने निर्माण समुहले बताएको छ । एरिना ईन्टरटेनमेन्टले उत्पादन र वितरण गरेको भिडियोको निर्मात्री करुणा कंडेल हुन । म्युजिक भिडियोको सम्पादन, निर्देशन भने शक्ति प्रज्वल घिमिरेले गरेका छन् । घिमिरे संग छायांकन र सम्पादनको दशक भन्दा लामो अनुभव रहेको छ ।