मोटरसाइकलको ठक्करबाट १ जनाको मृत्यु

काठमाडौं, असोज १९ – कञ्चनपुरको पुनर्वास नगरपालिका–१ बलभद्रबस्तीमा आइतवार राति मोटरसाइकलको ठक्करबाट एक पैदलयात्रीको मृत्यु भएको छ ।

से ६ प २९२८ नम्बरको मोटरसाइकलको ठक्करले पुनर्वास नगरपालिका–१ बलभद्रबस्तीका सिंह बहादुर तामाङको मृत्यु भएको ईलाका प्रहरी कार्यालय त्रिभुवनबस्तीका प्रहरी निरीक्षक कैलाश सिंह बिष्टले बताए ।

तीव्र गतिमा रहेको मोटरसाइकलको ठक्करले सडकमा बसिरहेका ७० वर्षीय सिंह बहादुर तामाङ र ५५ वर्षीय बल बहादुर तामाङ घाइते भएका थिए ।

गम्भीर घाइते भएका सिंह बहादुरको उपचारको क्रममा सेती प्रादेशिक अस्पतालमा उपचारको क्रममा मृत्यु भएको हो ।

मोटरसाइकल चालक १६ वर्षीय मदन तामाङ पनि घाइते भएका छन् । घाइते दुवै जनाको धनगढीस्थित माया मेट्रो अस्पतालमा उपचार भइरहेको छ ।