यूकेमा खोप परीक्षणका लागि ‘स्वयंसेवकहरूलाई भाइरस दिइन सक्ने’

काठमाडौं, असोज ९ – कोभिड-१९ विरुद्ध खोप परीक्षण गर्नका लागि स्वस्थ स्वयंसेवकहरूलाई कोरोनाभाइरसबाट सङ्क्रमित बनाउने पहिलो मुलुक यूके बन्न सक्ने बताइएको छ।

“च्यालेन्ज ट्रायल” भनिने त्यस्तो किसिमको परीक्षण लन्डनमा सम्पन्न गरिने बताइएको छ। त्यस्ता स्वयंसेवकलाई कोरोनाभाइरसबाट जानाजान सङ्क्रमित बनाएर सम्भावित खोपको प्रभावकारिता जाँच्न खोजिनेछ।

यस विषयमा द फाइनान्सीयल टाइम्सले पहिलोपटक समाचार प्रकाशन गरेको थियो।

यूके सरकारले “ह्यूमन च्यालेन्ज स्टडीज” मार्फत् खोप विकास गर्ने विषयमा छलफल गरिरहेको जनाएको छ।