रवि भवनमा चार तारे होटल क्राउन इम्पेरियल संचालनमा

काठमाडौं – अर्किड होल्डिङस् प्रालिले रवि भवनमा चार तारे होटल क्राउन इम्पेरियल संचालनमा ल्याएको छ।

तीन दशकभन्दा बढी पर्यटन व्यवसायमा संलग्न व्यवसायी र पेशाकर्मीको संलग्नतामा यो डिलक्स होटल संचालनमा ल्याइएको हो ।

पाँच रोपनी क्षेत्रफलमा फैलिएको १५ तल्ले यो होटलमा १० वटा सुइट रुम सहित कुल १३० कोठा छन् ।

रेष्टुरेन्ट, बार, स्वमीङ पुल,, व्यायामशाला, स्पासहितको सुविधा उपलब्ध रहेको यो होटलको ब्यांक्वेट हल मा ४५० जना अटाउँने होटेलले जानकारी दिएको छ । साथै होटलमा २०÷२० जना क्षमताको २ वटा र ४०÷४० क्षमताको २ वटा सहित कुल ४ वटा बैठक कक्ष निर्माण गरिएको छ ।

महाप्रबन्धक भरत जोशीले भने विदेशी पर्यटकलाई लक्षित गरेर पूर्वाधार निर्माणमा लगानी गरेको बताएका छन् ।

गत महिनादेखि आंशिक रुपमा संचालनमा आएको यो होटल आगामी वैशाख ३ गतेदेखि पूर्णरुपमा सञ्चालनमा ल्याउने जनाएको छ ।

प्रारम्भमा कूल १ अर्ब ६० करोड रुपैयाँको लगानीमा होटल संचालनमा ल्याउने योजना भएपनि लगानीको आकार अझै बढ्ने होटल व्यवस्थापनले जानकारी दिएको छ।