राष्ट्रपतिलाई भेट्न प्रधानमन्त्री ओली शीतलनिवासमा

काठमाडौं, वैशाख २३ – नेकपा एमालेको स्थायी कमिटी बैठक लगत्तै प्रधानमन्त्री केपी शर्मा ओली राष्ट्रपति विद्यादेवी भण्डारीलाई भेट्न शीतल निवास पुगेका छन् । बालुवाटारमा बसेको बैठक सकिएलगत्तै प्रधानमन्त्री ओली शीतलनिवास पुगेका हुन् । बैठकमा संसद्को विशेष अधिवेशन र विश्वासको मतका सम्बन्धमा छलफल भएको थियो । प्रधानमन्त्री ओलीले विश्वासको मत लिने गरी यही वैशाख २७ गतेका लागि प्रतिनिधि सभाको विशेष अधिवेशन आह्वान गरिएको छ ।

बैठकमा प्रधानमन्त्रीले विश्वासको मत पाउने गरी अगाडि बढ्ने निर्णय भएको पार्टी प्रवक्ता प्रदीप ज्ञवालीले जानकारी दिए ।