राष्ट्रियसभाबाट ५ विधेयक पारित , जसमा चार विधेयक अर्थतन्त्र सम्बन्धी

काठमाडौँ– राष्ट्रियसभाको सोमबारको बैठकले पाँच विधेयक सर्वसम्मतिले पारित गरेको छ।

सभाको बैठकले सार्वजनिक–निजी साझेदारी तथा लगानी विधेयक २०७५, नागरिक लगानी कोष (दोस्रो संशोधन) विधेयक २०७५, लेखापरीक्षण विधेयक २०७५, जीवनाशक विषादी व्यवस्थापन विधेयक २०७५ र विशेष आर्थिक क्षेत्र (पहिलो संशोधन) विधेयक २०७५ सर्वसम्मतिले पारित गरेको हो।

बैठकमा प्रधानमन्त्रीका तर्फबाट अर्थमन्त्री डा। युवराज खतिवडाले ‘सार्वजनिक–निजी साझेदारी तथा लगानी विधेयक पारित गरियोस् भन्ने प्रस्ताव प्रस्तुत गरेका थिए। उनले नै ‘नागरिक लगानी कोष र ‘लेखापरीक्षण विधेयकसम्बन्धी प्रस्ताव प्रस्तुत गरेका थिए। कृषि तथा पशुपक्षी विकासमन्त्रीका तर्फबाट डा खतिवडाले नै ‘जीवनाशक विषादी व्यवस्थापन विधेयकसम्बन्धी प्रस्ताव प्रस्तुत गरेका थिए।

त्यस्तै उद्योग, वाणिज्य तथा आपूर्तिमन्त्री मातृकाप्रसाद यादवले ‘विशेष आर्थिक क्षेत्र विधेयकसम्बन्धी प्रस्ताव प्रस्तुत गरेका थिए।