राष्ट्रिय अभियान नेपालद्वारा रक्तदान

तनहुँ, ११ श्रावण- कोभिड १९ र बाढीपहिरोले देशलाई आक्रान्त बनाईरहेको समयमा साउन ११ गते आईतवार तनहुको डुम्रेमा राष्ट्रिय अभियान नेपाल नामक भानु १ साजबोटेको संस्थाले रक्तदान कार्यक्रमको आयोजना गरेको छ । प्रजातन्त्र र लोकतन्त्र प्राप्ति पश्चात देशमा बेथिती बढिरहेको हुनाले नेपालमा पुन राजसंस्था फर्काउनुपर्छ र कस्तो राजसंस्था राख्ने निर्क्यौल जनमत संग्रह मार्फत गर्नुपर्छ भन्ने मागहरु अघि सारेको संस्थाले समाजसेवाको रुपमा रक्तदान कार्यक्रमको आयोजना गरेको संस्थाका संयोजक सन्तोष अधिकारीले बताए ।

उक्त अवसरमा डुम्रे बजार वरपरका ६० जना व्यक्तिहरुले रक्तदान गरेका थिए । अहिलेको विषम परिस्थितिमा रगतको आवश्यकता महसुस गरि आफुले दोस्रो पटक रक्तदान गरेको डुम्रे आयुर्वेद फर्मा कि संचालिका रोशनी रानाभाटले बताईन । नेपाल रेडक्रस सोसाइटी भरतपुर शाखा र हाम्रो लाईफ बैक रक्तदान कार्यक्रमको सहयोगी संस्था रहेका थिए ।