राष्ट्रिय पञ्जीकरण विभागले माग्यो १०० जना कर्मचारी

काठमाडौं,७ फागुन-राष्ट्रिय परिचयपत्र तथा पञ्जीकरण विभागले एक सय जना कर्मचारी मागेको छ । राष्ट्रिय परिचयपत्र कार्यक्रम अन्तर्गत काठमाडौं उपत्यका बाहिरका स्थानीय तहमा रहेर काम गर्नका लागि सो संख्यामा कर्मचारी माग गरिएको हो । त्यस्ता कर्मचारीको नियुक्ति करारमा हुनेछ । उनीहरुलाई विभिन्न स्थानीय तहमा खटिने घुम्ती टोलीमा रही नागरिकको विवरण संकलन गर्ने जिम्मेवारी हुनेछ ।

अहिले १ सय जना कर्मचारीको भर्ना गर्ने बताइए पनि आवश्यकता अनुसार थप १ सय जनालाई रोष्टरमा राखी आवश्यकता अनुसार भर्ना गर्ने समेत विभागले जनाएको छ । यस्तो नियुक्ति खुला प्रतिस्पर्धाबाट हुने समेत विभागले प्रष्ट्याएको छ ।