रिद्धि सिद्धि सिमेन्टले आफ्ना ग्राहकलाई शिलान्यासका लागि पूजा सामग्री उपहार दिने

काठमाडौं, वैशाख ३ – रिद्धि सिद्धि सिमेन्टले केही महिना अघि ल्याएको “शिलान्यास रिद्धि सिद्धिसँग” नामक योजनालाई निरन्तरता दिदै नयाँवर्ष २०७८ को शुभअवसरमा शिलान्यास गर्न चाहने ग्राहकवर्ग शिलान्यास पूजा सामग्री सेट प्रदान गर्ने भएको छ । कम्पनीले प्रदान गर्ने पूजा सेटमा तामाको कलश ५ थान, चाँदीको कछुवा १ थान, चाँदीको नाग र नागिन १ जोडी, चाँदीको सिक्का १० ग्राम १ थान, हात्तीको प्रतिमा १ थान, जौ, तील, कुश १ प्याकेट, पञ्चरत्न धातु १ थान, सलाई १ थान, बाटेको धुप १ प्याकेट र कपुर १ थान रहने जनाइएको छ ।

यसका लागि कम्पनीको आधिकारिक फेसबुक पेजको विज्ञापन क्लिक गरी वा पत्रिकामा प्रकाशित विज्ञापनमा रहेको क्यूआर कोड स्क्यान गरी रिद्धि सिद्धि सिमेन्टको वेबसाइटमा गई फारम भर्नुपर्ने छ । रिद्धि सिद्धि सिमेन्टको आधिकारिक विक्रेतामा सम्पर्क गर्न समेत सकिने कम्पनीले जनाएको छ ।  यो योजना प्रथम एक हजार उपभोक्तालाई मात्र लागु हुनेछ जनाइएको छ । यसका लागि न्यूनतम शिलान्यासको शुभअवसरमा १०० बोरा खरिद गरिएको हुनुपर्नेछ ।