रुपन्देहीमा भुमि सम्बन्धी समस्या समाधान आयोगको कार्यालय

काठमाडौं, ६ फागुन – रुपन्देही जिल्लामा भुमि सम्बन्धि समस्या समाधान आयोगको कार्यालय स्थापना भएको छ । जिल्ला समन्वय समिति रुपन्देहीको सभा हलमा लुम्बिनी प्रदेशका उद्योग, पर्यटन, बन तथा बाताबरण मन्त्री लिला गिरिले कार्यालयको समुद्घाटन गरे ।

मन्त्री लिला गिरिले रुपन्देही जिल्लामा भूमी आयोगको महत्वपूर्ण काम सुरुवात गरेको बताए । हाम्रो मुलुकमा जेलिएर बसेको समस्या भएको बताउँदै मन्त्री गिरीले बिगतमा सिंगो राष्ट्र ब्यवस्थीत गर्न अंगाडी बढ्ने र समस्या छैन भन्ने तयारीका साथ एउटा निचोड र सफलता प्राप्त गर्न नसकेको राजनैतिक अस्थीरता भएका कारण र बिभिन्न कारणले समाधान गर्न नसकेको बताए ।

अब यो समस्या सदाका लागि समाधान गर्नुपर्छ त्यस अर्थमा बिगतका कमी कमजोरीहरु कानुनका अभाव हाम्रो अस्थीरता हाम्रा कतिपय काम गर्ने सन्दर्भमा चाँजोपाँजो नमिलेका विषयहरु त्यो सबैबाट माथि उठेर हामीले समाधान गर्ने गरि हामी अंगाडी बढेका छौँ । मन्त्री गिरीले भने, यो काम सकाएपछि भविष्यमा जग्गा बिहिन मान्छे कोहीपनि नहुने अर्थात सार्वजनिक जग्गा बितरण गर्न नपर्नेगरि हामी अंगाडी बढ्नुपर्छ ।

जिल्ला समन्वय समिति रुपन्देहीका प्रमुख एकराज बिश्वकर्माले जिल्ला समितिको कार्यालय उद्घाटन गरेर भुमिका समस्या समाधान गर्ने उद्देश्यले कामको सुरुवात गरेको बताए । भुमि समाधानको कामको थालनि प्रति खुसि भएको बताउंदै बिश्वकर्माले कामको सफलताको शुभकामना दिए । हाम्रा थुप्रै प्रकृतिका जमिनहरु छन् । बिश्वकर्माले भने यो जिल्ला समितिले मात्रै नभइ स्थानिय तहको धेरै भुमिका हुने हुंदा सबै आयोजना अंगाडि बढदै कठिन काम पनि पार लगाउन सक्छौं भन्ने हिसाबले ७ सदस्यीय समितिले काम सफल गराउने छ ।

सरल बाट जटिल काम गर्न आयोगलाई सल्लाह दिँदै विश्वकर्माले सबै नेपाली जनता भुमिको मालिक हुने र गरिवको जिम्मा सरकारले लिने भन्ने हिसाबले काम गर्दै जाने बताए । रुपन्देही जिल्ला भुमि सम्बन्धि समस्या समाधान आयोगका अध्यक्ष बल बहादुर आचार्यले संबिधानले दिएको मौलिक हक र अधिकार संरक्षणका लागि सरकारले लिएको सुखी नेपाली समृद्ध नेपाली बनाउने उद्धेश्य भएको बताए ।

आयोगका बिज्ञ सदस्य कृष्ण बहादुर कुवँरले आयोगले समन्वय गरेर सहमतीका आधारमा धेरै भन्दा धेरै समस्या समाधान गर्ने उद्धेश्यले काम गर्ने बताए । लुम्बिनी प्रदेशका प्रदेश सभा सदस्य भोज प्रसाद श्रेष्ठ, ओमसतिया गाउँपालिकाका अध्यक्ष हिरा केवट राहुल, मायादेवी गाउंपालिकाका अध्यक्ष धु्रव नारायण चौधरी, कोटहीमाई गाउँपालिकाका अध्यक्ष चन्द्र भुसन यादव, रुपन्देही जिल्लाका प्रमुख जिल्ला अधिकारि पिताम्बर घिमिरेलगायतको कार्यक्रममा आतिथ्यता रहेको थियो । सदस्य गंगा कार्कीको स्वागत मन्तब्य र जिल्ला समन्वय समितिका सदस्य सचिव रोमाकान्त पाण्डेको सञ्चालनमा कार्यक्रम सम्पन्न भएको थियो ।