रोटरी,रोट्रयाक्ट र युनि क्याम्पस ग्लोबलको संयुक्त होली महोत्सव हुदै

तनहुँ– रोटरी,रोट्रयाक्ट र युनि क्याम्पस ग्लोबलको संयुक्त आयोजनामा दमौलीमा दोस्रो होली महोत्सव हुदै छ ।

आगामी चैत ६ गते फागुपुर्णिमाको अवसरमा रोटरी क्लब अफ दमौली , रोट्रायाक्ट क्लब अफ दमौली र युनि क्याम्पस ग्लोबलको संयुक्त आयोजनामा दमौलीमा होली महोत्सव गर्न लागिएको हो ।

एक आपसमा रंग आदानप्रदान गर्दै फागुपुर्णिमाको शुभकामना आदान प्रदान गर्ने र सामाजिसद्भावलाई उजागर गर्ने उद्देश्यले कार्यक्रम आयोजना गर्न लागेको रोटरी क्लब अफ दमौलीका अध्यक्ष सन्तोष कुमार श्रेष्ठले बताए ।

मनोरञ्जनको माध्यमबाट समेत स्थानीय व्यापार व्यवसायको प्रवद्र्धनमा टेवा पुग्ने हुँदा होली महोत्सव आयोजना गर्न लागिएको श्रेष्ठले प्रष्ट पारे ।

होलीको दिन रंगसँगै घइटो फुटाई, डोरी तान्ने, बास्केट बल लगायतका खेलहरु पनि महोत्सवमा समाबेस गरिने छ । होलीलाई विशेष बनाउनका लागि स्थानीय जातजातीका सांस्कृतिक कार्यक्रमलाई पनि समावेश गर्ने श्रेष्ठले बताए ।