लकडाउन खुकुलो बनाउने पक्षमा गृहमन्त्री थापा

काठमाडौं, बैशाख २३ – गृहमन्त्री रामबहादुर थापाले लकडाउन शर्तसहित खुकुलो बनाउनुपर्ने बताएका छन् ।

प्रतिनिधिसभाको कानून न्याय तथा मानवअधिकार समितिमा मंगलबार गृहमन्त्री थापाले लकडाउनले आर्थिक संकट बढाएको भन्दै शर्तसहित खुकुलो बनाउनुपर्ने धारणा व्यक्त गरेका हुन्।

• 

कोरोना भाइरसको संक्रमणबाट जोगिन विश्वले नै उपायका रुपमा लकडाउनलाई अपनाए पनि यसले आर्थिक संकट निम्त्याएकाले अब शर्तसहित खोल्नुपर्छ गृहमन्त्री थापाले भने । उनले कोरोनाकै कारण आर्थिक संकट र सामाजिक एवं राजनीतिक असन्तोष निम्तिएको पनि बताए ।