लकडाउन समयमा कुखुरा चोरको बिगबिगी

मदन तिमल्सेना/ बैशाख ९ गते, दमाैली- तनहुँको व्यास नगरपालिका वडा नं १ तालघरेमा सोमबार राति करिव ३ बजे तिर कुखुरा चोर्न अाएका दुई युवकहरु मध्ये एक जनालाइ स्थानीय बासिन्दाले समात्न सफल भएका छन् भने एक जना व्यक्ति भने कुखुरा चोरेर फरार छ । समातिएको व्यक्ति व्यास नगपालिका वडा नम्बर ४ मा भाडा गरि बस्ने सोनु श्रेष्ठ रहेका छन् ।

दुई जना कुखुरा चोर्न अाउदा कुखुराको खोर खोलेको कुखुरा धनिले थाहा पाएर हल्ला गरेपछि चोरहरु कुखुरा लिएर भागेका थिए । उनीहरू भागेपछि कुखुरा साहु केही बेर कुखुराको खोर नजिक लुकेर बसेको र अाधा घण्टापछि पुन: उनीहरु कुखुरा चोर्न अाएको बेलामा एकजनालाई समातेर पिलरमा बाधेर टाउको चारपाटा मुडेर राखेका थिए । विहान जिल्ला प्रहरी कार्यालय तनहुँलाई खवर गरेर प्रहरीलाई बुझाएका थिए ।

पक्राउ पर्ने व्यक्ति सोनु श्रेष्ठले अाफुसंगै अाउने साथिको नाम साजन थापा रहेको र साजन व्यास १ भादगाउँको छाला कम्पनी नजिकै वस्ने बताएका छन् । लकडाउनको मौका छोपी उक्त गाउँमा यस भन्दा अगाडि पनि धेरैपटक कुखुरा चोरी भएको स्थानीय बासिन्दा सुनिल श्रेष्ठले बताएका छन् ।