‘लाइगर’ को पोस्टर सार्वजनिक

काठमाडौं, माघ ६ –मुम्बई–लाइगर अर्थात टाइगर र लायन शब्दको मिश्रित रुप। सुरुमा फाइटर नाम राखे पनि अर्का अभिनेता ऋतिक रोशनको फिल्मसँग नाम जुधेकाले लाइगर बन्न पुग्यो। त्यही फिल्म ‘लाइगर’ को पोष्टर सार्वजनिक भएको छ।

अर्जुन रेड्डी, डियर कमरेड, गीता गोविन्दाजस्ता चर्चित फिल्ममा अभिनय गरिसकेका साउथ इन्डियन अभिनेता विजय देवरकोण्डाको अभिनय ‘लाइगर’ मा देख्न सकिन्छ। उनैको तस्बिरसहित लायन र टाइगरको मिश्रित फोटो पोष्टरमा लगाइएको छ।