वरिष्ठ गायक तथा संगीतकार प्रेमध्वज प्रधानको निधन

काठमाडौं, वैशाख २३ – वरिष्ठ गायक तथा संगीतकार प्रेमध्वज प्रधानको बिहीबार दिउँसो निधन भएको छ । उनको सुन्धारास्थित काठमाडौं न्यूरो अस्पतालमा निधन भएको हो । प्रधान ८३ वर्षका थिए । छातीमा समस्या देखिएपछि उनलाई न्यूरो अस्पताल भर्ना गरिएको थियो ।

प्रेमध्वजको जन्म १९९४ सालमा सिन्धुपाल्चोकको चौतारामा भएको थियो । प्रेमध्वजलाई नेपाली सांगीतिक क्षेत्रमा ‘गोल्डेन भ्वाइस’ उपनामले पनि चिनिन्छ ।प्रधानका यो नेपाली शीर उचाली,‘गोरेटो त्यो गाउँको’ पर लैजाऊ फूलहरु, घुम्तीमा नआऊ है लगायतका गीत लोकप्रिय छन् ।