वरिष्ठ संगीतकार शम्भुजित बास्कोटाको नयाँ गीत‘पार्यो माया जालैमा…’ सार्वजनिक

काठमाडौं, वैशाख २२ – वरिष्ठ संगीतकार शम्भुजित बास्कोटा धेरैपछि नयाँ गीतमार्फत दर्शक तथा स्रोतामाझ आएका छन् ।यसपटक संगीतकार बासकोटाले गायिका मञ्जु थापासंग यूगल गायन गरेका छन् ।‘पार्यो माया जालैमा…’ शीर्षकको गीतमार्फत उनीहरु प्रस्तुत भएका हुन् ।यो गीतमा संगीतकार शम्भुजितकै शब्द तथा संगीत निर्देशन छ ।यो गीतलाई नरेन्द्र वियोगीले संगीत संयोजन गरेका छन् भने प्रकाश मिश्रको माष्टरिङ तथा मिक्सिङ रहेको छ ।

उक्त गीतको म्युजिक भिडियोलाई सुरेन्द्र बसेलले निर्देशन गरेका छन् भने कोरियोग्राफी पनि उनैले गरेका छन् ।उक्त गीतको भिडियोमा पुष्प खडका र सुनिसा बजगाईंलाई फिचर गरिएको छ ।बुद्ध थापाको छायाँकन रहेको भिडियोमा नवीन निरौलाको सम्पादन छ ।गीत र गीतको भिडियोमा दोलखा र गोर्खाको युवा–युवतीबीचको प्रेमलाई दर्शाइएको छ ।