वागमतीमा पानीको बहावले सतर्कता तह पार गर्‍यो, अन्य केही नदीमा बहाव बढ्दो

काठमाडौं । बागमतीमा पानीको बहाव बढेपछि सतर्कताको तह पार गरेको छ ।

बाढी पूर्वानुमान महाशाखाले मकवानपुर आसपासका बासिन्दालाई चेतावनी जारी गरेको छ । रौतहट कर्मैया पधेरादोभानमा पनि वाग्मती नदीमा जलसतहले खतरा तह पार गरेकाले तटीय क्षेत्र र डुबान भइरहने ठाउँमा सुरक्षित रहन भनिएको छ ।

त्यस्तै आज भोटेकोशी, तामाकोशी, दुधकोशी, सुनकोशीलगायत कोशीका सहायक नदीहरु तथा नारायणी र सहायक नदीमा पानीको बहाव बढ्ने महाशाखाले जनाएको छ ।

कन्काई र कमला जलाधारका स–साना नदीमा पनि बहाव बढ्ने भएकाले सतर्कता अपनाउन महाशाखाले आग्रह गरेको छ ।