वानेश्वर र कोटेश्वरमा पनी ‘अण्डरपास वे’ बनाउने

काठमाडौं– वानेश्वर र कोटेश्वरमा अण्डरपास वे बनाउने प्रकृया अघि बढेको छ।

सडक विभागले अण्डरपासको डिजाइन बनाउन ग्लोबल टेण्डर आव्हान गरिसकेको छ।

डिजाइनका लागि आवेदन दिएका परामर्शदाता कम्पनीहरुको मूल्याङकन भैरहेको सडक विभागले जनाएको छ । छनौंट भएको कम्पनीले छ महिनामा अण्डरपासको डिजाइन तयार पार्ने छ।

त्यसपछि निर्माणको प्रक्रिया नै अघि बढाउने विभागको तयारी छ।निर्माण थालेको तीन बर्षमा गाडी कुदाउनका लागि तयार पार्ने योजना छ।

एउटा अण्डरपास बनाउनका लागि १ अर्ब रुपैयाँ लाग्ने प्रारम्भिक अनुमान गरिएको छ।