विद्युत् तारलाई भूमिगत बनाउन पुनः टेन्डर आह्वान

काठमाण्डौँ — विद्युतीय तारलाई भूमिगत गर्न नेपाल विद्युत् प्राधिकरणले पुनः टेन्डर आह्वान गरेको छ ।

पहिलो चरणमा गरिएको टेन्डरमा अनुमानभन्दा बढी रकमको प्रस्ताव परेपछि पुनः टेन्डर गर्नुपरेको प्राधिकरणका कार्यकारी निर्देशक कुलमान घिसिङले बताए ।

यो आयोजनाका लागि एडीबीले ऋण सहयोग गरेको छ ।

यो आयोजनाअन्तर्गत काठमाडौंको महाराजगन्ज र रत्नपार्क क्षेत्रमा पोलमा राखिएका तारलाई भूमिगत गर्ने योजना छ ।

महाराजगन्ज र रत्नपार्क क्षेत्रलाई छुट्टाछुट्टै प्याकेज अन्तर्गत बोलपत्र आह्वान गरिएको छ ।

—कान्तिपुर