विद्युत प्रधिकरण कम्पनी ढाँचामाः सर्वसाधरणलाई सेयर

काठमाडौं– ऊर्जा, जलस्रोत तथा सिँचाइमन्त्री पुनका अनुसार सरकारी स्वामित्वको प्राधिकरणलाई ‘पब्लिक कम्पनी’ मा रुपान्तरण गर्ने बताएका छन् ।

मन्त्रालयले नेपाल विद्युत् प्राधिकरण ऐनलाई संशोधन गरी नेपाली नागरिकलाई साधारण सेयर दिने तयारी गरिएको हो ।
ऐन संशोधन भए आएपछि प्राधिकरण कम्पनी ढाँचामा रुपान्तरण हुनेछ ।

उर्जा मन्त्री पुनले भने “प्राधिकरणलाई थप प्रतिस्पर्धि बनाउने लक्ष्यका साथ आम नागरिकलाई समेत शेयरधनी बनाउने योजनामा हामी लागेका छौँ ।”

प्राधिकरणले २०७४ सालमा नै वित्तीय पुनः संरचना योजना पारित गरेको थियो । सोही योजनाअनुसार २५ प्रतिशत शेयर आम सर्वसाधारणलाई बिक्री गर्न सकिने छ ।

प्राधिकरणका सहायक कम्पनीले निर्माण गरिरहेका आयोजनामा आम सर्वसाधारणले लगानी गर्न पाएका छन् । माथिल्लो तामाकोशी, रसुवागढी, साञ्जेन, मध्यभोटेकोशी जस्ता आयोजनामा सर्वसाधारणको शेयर छ । प्राधिकरण पनि क्रमशः नाफामा जान थालेको र आम नागरिकको विश्वाससमेत बढ्दै गएकाले शेयर बिक्री गर्ने योजना अगाडि सारिएको हो ।